INTERNATIONAL FESTIVAL
recognised by:
INTERNATIONAL FESTIVAL
categorised as Class A by:

BILBOKO DOKUMENTALEN ETA FILM LABURREN NAZIOARTEKO JAIALDIAK – ZINEBI 60K, ZINEBI NETWORKING. DOKUMENTALEN SORGUNEA, ZINE DOKUMENTALEKO LEHENENGO FORO PROFESIONALA, DEITU DU, EUSKADIKO IKUS-ENTZUNEZKO PRODUKZIOARI LAGUNTZEKO

Share on facebook
Share on google
Share on twitter
Share on whatsapp
Share on email
Share on print

EiTBrekin, Euskadiko Produktoreen Elkartearekin (EPE-APV), Bizkaiko Foru Aldundiarekin (BEAZ) eta Bilbao Ekintzarekin lankidetzan, ekimena, ekoizten ari diren edo garapen egoera aurreratuan dauden film luze dokumentalen proiektuak aurkeztu ahal izango dituzten ekoiztetxeei eta zinegileei dago zuzenduta.

Proposamen onenak aukeratuko dira, eta Jaialdiaren 60. edizioaren aurreko egunetan proiektuak prestatzeko tailer batean hartuko dute parte, eta azaroaren 13an, Campos Elíseos Antzokiko Kupula aretoak proiektuen aurkezpena jasoko du, ikus-entzunezkoen sektoreko profesionalek eta adituek osatutako batzordearen aurrean. Proposamen onenak 10.000 euroko laguntza jasoko du. 

Izen emateak urriaren 26ra arte egin ahal izango dira: https://zinebi.eus/eu/zinebi60/zinebinetworking// 

Bilboko Udalak antolatzen duen Bilboko Dokumentalen eta Film Laburren Nazioarteko Jaialdiak (Zinebi), EiTBrekin, Euskadiko Produktoreen Elkartearekin (EPE-APV), Bizkaiko Foru Aldundiarekin (BEAZ) eta Bilbao Ekintzarekin lankidetzan, ZINEBI Networking, Dokumentalen sorgunea izeneko zine dokumentalari buruzko lehenengo foro profesionalerako deialdia ireki du. Ekimenaren helburua bertako talentua bultzatzea eta Euskadiko ikus-entzunezko ekoizpenari laguntzea da.

Ekoizten ari diren edo garapen egoera aurreratuan dauden film luze dokumentalen proiektuak aurkeztu ahal izateko epea datorren urriaren 26ra arte egongo da zabalik. Ikus-entzunezkoen sektoreko profesionalek eta adituek osatutako batzordeak proposamen onenak aukeratuko ditu foroan parte hartzeko, eta irabazleak 10.000 euroko laguntza jasoko du. ZINEBI Networking. Dokumentalen sorgunea ekimenaren xedea garrantzia hartzen ari den ikus-entzunezko sormena eta euskal zine ekoizpena sustatzea da. Horrela, helburua, bertako ikus-entzunezko egitura handitzea eta euskal eragileek eta erakundeek sektoreko enpresekin eta profesionalekin nazioarte mailan lankidetzan aritzea da.

Gure ingurunean dokumental proiektu sortzaileen eta independenteen garapenari laguntzeko xedez, deialdi honek ekoizleen eta zinegileen garapen artistikorako eta profesionalerako plataforma izan gura du, esperientzien, jakin-minen eta interesen trukaketa bultzatzeko, proiektu dokumental berrien garapenean sinergiak sortzeko modu eraginkor gisa. Horrela, Bilboko Dokumentalen eta Film Laburren Nazioarteko Jaialdiak (Zinebi) foro hau jasoko du, talentu gaztea, dokumentalei buruzko ideiak eta proiektuak arrakastaz gauzatzeko moduari buruzko aholkularitza emango dieten profesionalekin eta adituekin harremanetan jartzeko.

Euskadiko produkzio edo ekoizpen independentea bultzatzeko eta nazioarte mailan izan dezakeen potentziala proiektatzeko xedez, proiektu irabazleak 10.000 euro eta ideia gauzatu ahal izateko beharrezkoa den aholkularitza profesionala jasoko ditu. Aurkeztutako proiektu guztien artean, jaialditik kanpoko aukeraketa batzordeak, ZINEBIko zuzendaritzarekin batera, onenak aukeratuko ditu. Aukeraketa horretan ideia, proposamen estetikoa eta produkzioaren bideragarritasun profesionala eta ekonomikoa hartuko dira kontuan. Horrez gain, proiektu bakoitzaren aurkezpen publikoaren aurretik tutoretza saio pertsonalizatua egongo da, sektoreko profesionalek abalatuta.

Aurre aukeratutako proiektuek, proiektuak prestatzeko tailer batean hartuko dute parte Jaialdiaren 60. edizioaren aurreko egunetan, eta azaroaren 13an, Campos Antzokiko Kupula aretoak proiektuen aurkezpena jasoko du, egun osoan. Goizez pitching (proiektuen aurkezpena) saioa egingo da batzordearen aurrean, kreditatutako bertaratuei eta jende guztiari zabalik; arratsaldean one-to one bilera pertsonalak egingo dira ekoiztetxeen eta zinegileen eta espezialisten artean. Proiektu dokumental irabazlea zein den ZINEBI 60ren amaiera ekitaldian jakinaraziko da, azaroaren 16an, 20:00etan, Arriaga Antzokian.

Informazioa, oinarri osoak eta izena emateko formularioa:

https://zinebi.eus/eu/zinebi60/zinebinetworking/