Krisialdi betean, MEGESA (Sevilla), Battenfeld, Fisam, Eursotil, Roselson (Bartzelona) eta Babcock & Wilcox (Bizkaia) enpresetako langileek beren lekukotasuna jasota uzten dute. Krisialdi ekonomikoak enpleguaren erregulazioak, lantegiak ixtea eta jendea kaleratzea eragiten du. Sindikatuak kalera ateratzen dira, baina Moncloarekin lortzen dituzten akordioek ez dituzte langileak asetzen. Batzarrak, martxak, zirkulazioa mozteko ekintzak eta elkartasun eskeak herri osora hedatzen dira eta, Euskadin, Francoren heriotzaren osteko lehen greba orokorra antolatzen da.
Paisaia mortu bat, beste planeta batekoa dirudiena. Hondartutako ontzi herdoildu eta bakarti batzuk. Inguruan basamortuko sasiak hazten dira, ekaitz gogorretan hareari eusten diotenak. Aralkum, Aral Basamortua, itsas hondo biluzi bat da, Aral itsasotik geratzen den azkeneko gauza. Ehundura zinematografiko desberdinak uztartuz, saiakera honek berrirudikatu egiten du jada lehortuta dagoen Aral itsasoa, arrantzale zahar bati berriz itsasoratzeko aukera emanez.
Muino batean eserita, Inaxiok emaztearen heriotza deitoratzen du bertso batekin. Bere biloba Ekaitz, aitonaren kantuak deitu izan balu bezala, baserrira itzultzen da aitona eta elikagaiak ematen dizkieten animaliak zaintzeko, horiek dituztela ere lagun. Biek, ingurua ikusteko begirada desberdinak eduki arren, bat egingo dute berriz ere eta elkarrekin egingo dizkiete aurre etorkizuneko zailtasunei.
Pabellón Nº6 sortu zenetik hamar urte bete direnean, sortzaileek eta hari lotutako aktoreek, entseguetan, zerrategi zahar bat kultura erakartzeko gune bihurtzeak ekarri duenaz hitz egin dute.
50eko eta 60ko hamarkadetan, Estatu Batuetako landazabalaren sakonenean, Catskills mendien magalean zegoen egurrezko etxe bat, atzean aletegi bat ere bazuena, trabestien lehen sare klandestinoaren egoitza izan zen. Dianek eta Katek 80 urte dituzte orain. Bere garaian, gizonak ziren, eta baita erakunde sekretu haren parte ere. Gaur egun, trans nortasunaren lehen egunetako oinarrizko kapitulu ahaztu hau kontatzen digute.
