ICEX España Exportación e Inversiones erakundeak, ICAA Zinematografiaren eta Ikus-entzunezko Arteen Institutuarekin batera, eta ZINEBI – Bilboko Zinema Dokumentalaren eta Film Laburren Nazioarteko Jaialdiarekin eta Gijón/Xixóngo Nazioarteko Zinemaldiarekin (FICX) lankidetzan, Luzemetrai dokumentaleko proiektuak jaso eta aintzat hartzeko deialdia ireki dute, Cannes Docs-en Espainiari eskainitako showcase-an parte har dezaten. Zinema dokumentaleko profesionalentzako urteroko topagunea da Cannes-eko Le Marché du Film-en, eta aurten maiatzaren 18tik 23ra izango da.
Spanish Showcase izenarekin, eta ICEX eta ICAAren eskutik, ZINEBIk eta FICXek film luze dokumentalen lau proiektu eramango dituzte munduko zinemaldi garrantzitsuenera. Proiektu horien arduradunek aurkeztuko dituzte Cannes Docs plataformara joaten diren zinemaldi, ekoizle, banatzaile eta salmenta-agente espezializatuen aurrean. Cannes Docs, mundu osoko zinema dokumentaleko profesionalentzako Marché du Film lehiaketan topagunea da.
Parte hartu nahi duten proiektuak apirilaren 3a baino lehen bidali beharko dira ICEX España Exportación e Inversiones erakundera, esteka honetan izena emanda. ZINEBI, FICXekin lankidetzan, lau zinema-proiektu dokumentalak aukeratzeaz arduratuko da, eta bereziki baloratuko ditu proposamen narratibo eta estetikoen originaltasuna eta sormena, bideragarritasuna eta garapen-egoera. Gainera, Cannes Docs-eko oinarriak betez, hautatutako proiektuetako bat bera ere ez da Estatutik kanpo erakutsiko Canneseko Zinemaldia ospatu aurretik.
Cannes Docs-eko Spanish Showcase-n parte hartzen duten proiektu guztiak munduko hainbat lekutatik aurkeztutako gainerako proiektuekin lehiatuko dira, eta Emerging Film Talent Association-en IEFTA saria (10.000 €) edo AJD, Al Jazeera Documentaryren parte-hartzea bermatzen duena proiektu irabazlearen koproduktore gisa, 15.000 dolarreko gutxieneko ekarpenarekin.
ZINEBI, CANNES DOCS-EKO BAZKIDEA
Bilboko Dokumentalen eta Film Laburren Nazioarteko Jaialdia 2022an estreinatu zen Cannes Docs jaialdi bazkide gisa, zinema dokumentalean espezializatutako mundu osoko ikus-entzunezkoen industriako profesionalak konektatzeko diseinatutako plataforma.
ZINEBIrekin batera, Cannes Docseko partners zinema-talde hautatuaren parte dira munduko zinema dokumentaleko jaialdi ospetsuenetako batzuk:CPH:DOX (Danamarka), DokuFest (Kosovo), DOK Leipzig (Alemania), Movies that Matter Festival (Herbehereak), Visions du Réel (Suitza), RIDM – Montreal International Documentary Festival (Kanada), DMZ Docs (Koreako Errepublika), É Tudo Verdade / It’s All True International Documentary Film Festival (Brasil) y Ji.hlava (Txekiar Errepublika).
ZINEBIk Cannes Docs-en izan duen esperientziari esker eta film luze dokumentalen proiektuak garatzen laguntzeko jaialdi gisa izan duen ibilbideari esker – ZINEBI Networking-en bidez, 2018tik urtero egiten dena –, proiektu dokumentalen programa hau jarri da abian, nazioarteko koproduktore berrien presentzia eta hautatutako filmak amaitzeko finantzaketa osagarria ahalbidetzeko.
Bestalde, FICX Ohorezko Gonbidatua izan zen lehen aldiz Cannesko Marché du Filmeko Producers Network-en, 2022an, eta urte horretan bertan, Marché du Filmen Cannesko Festivals Hub barruan hitzaldi bat antolatzen lagundu zuen, Europa Film Festivals (EFF) sarearen bitartez. Sare horretako kide sortzailea da, Atenas, Belfast, Cinemania (Montréal), Bordele, Hanburgo, Geneva, Luxenburgo, Midnight Sun (Finlandia), Noordelijk (Holanda) eta Reykjavik jaialdiekin batera.
