Zinema bizitzeko topaketa bat
Programak elkarrizketarako eta hausnarketarako espazio ireki bat proposatzen du, gaur egun zinema bizitzeko, pentsatzeko eta egiteko askotariko moduen inguruan. Topaketa ikasle gazteei eta zinemagintzan graduatu berri direnei zuzenduta dago, eta gaur egungo ikus-entzunezkoen paisaia osatzen duten ibilbide profesionalen aniztasuna aztertzeko gonbidapen bat da.
Goiz batean, hainbat diziplinatako profesionalek —produkzio, zuzendaritza, artxibo, kuratoretza eta banaketakoek— beren ibilbideak, esperientziak eta lanbidea ulertzeko moduak partekatuko dituzte. Arlo teknikoaren eta artistikoaren arteko muga tradizionaletatik harago, proposamenak “zinema egitearen” nozioa zabaldu nahi du, praktika bizi gisa, zeina etengabean ari baita solasean bere testuinguru sozial eta kulturalarekin.
Mahai-inguru formatuan egingo da eta Aia Kruse aktore eta zinemagilea izango da moderatzailea; industriaren hainbat hainbat roletan aktibo dauden hainbat eragileren arteko solasaldi bat izango da, non praktika, gogoeta eta audientzia berriekiko hurbiltasuna uztartzen dituen belaunaldi bateko ordezkariak izango ditugun.
Zinema pentsamendu kritikorako tresna, topagune eta ekintza kolektiborako modu gisa aurkezten zaigu hemen. Gonbidatu bakoitza lurralde horretan nola bizi den entzunda, etengabe aldatzen ari den ikus-entzunezko mundu batean lankidetzan aritzeko, proiektuak sortzeko eta horiei eusteko modu berriak irudikatu ahal izango ditugu. Gaur egun zinema izan daitekeenaren inguruan solas egiteko, eta izan daitekeen hori zalantzan jartzeko eta elkarrekin berriz irudikatzeko xedea duen espazio honetan parte hartzera gonbidatzen zaituztegu.
Julieta Juncadella
PÓRTICO ATARIA – ZINEBI EGITARAUA📅 Azaroaren 22a, larunbata – 10:30etik 13:30era Golem Alhóndiga Zineman – Azkuna Zentroa. |
10:30 – Ongietorria, mahai-ingurua eta aurkezpenakIraupen estimatua: 1 h 45 min Mahai inguruaParte-hartzaileak: Kolokioa |
12:15 – Gaztedoku Sari Banaketa eta ZINEBI EXPRESS Sari BanaketaAurkezlea eta moduratzailea: Ugaitz Alegría Iraupen estimatua: 1 h 15 min
● ZINEBI Express film laburren proiekzioa
● Dokumental onenaren saria: Lehen Saiakera, Marina Perosanzena |
⏱️ Ekitaldiaren guztizko iraupena: 195 minutu. |
MAHAI INGURUKO GONBIDATUAK
ANAÍS CÓRDOVA-PÁEZ
Interneten garaian politikak, ekologiak, generoak eta mugimenduan dauden irudiek elkarren artean hitz egiteko duten moduaz hausnartzen du. Ikuspegi transhackfeminista batekin egiten du ikerketa lana. Bere lanak zaintza du ardatz, eta desafio egiten die artea ekoizteko eta ikusgai jartzeko prozesuei. Zinemarekin esperimentatzen du, EQUIS Festival de Cine Feminista (Ekuador) eta Zinegoak (Bilbo) jaialdietan programatzen du, eta UNSEENeko (Kroazia) kuradorea da. Flaherty Seminar Fellow 2022 izan zen eta nazioarteko gonbidatua izan zen Atmospheres of Violence-en, Harvard Universityn, 2023an. Bere azken film laburra, Viento, Sofa La Suerte-rekin batera zuzendu du, eta Zinebiren 2025eko edizioan estreinatuko da.
EMILIO PAPAMIJA
Emilio Papamija artista eta aktibista trans antirrazista eta dekoloniala da. Gaur egun, aniztasunean espezializatutako aholkularia eta ikus-entzunezkoetako hezitzailea da IntimAct-en, eta hainbat erakundetan eman ditu formakuntzak, hala nola Zinema Akademia, Netflix, ECAM, TAI, SSIFF, LesGaiCineMad, SANFIC (Txile), Greenpeace, Matadero Madrid edo La Casa Encendidan. Gainera, hainbat ikerketa lerrotan eta mendeko pedagogian lan egiten du. Genero-politiken eta kultura-politiken inplementazioan espezialista da, eta zeregin horietan lan egin du Espainiako eta Kolonbiako gobernu proiektuetan eta kanpaina politikoetan, esaterako, Espainiako kultura ministerioaren egungo kultura eskubideen planean (2024). Gorren komunitatearekiko kultura bitartekaritzan eta herpetologian trebatu da .
IRENE BAQUÉ
Zinema zuzendaria eta argazkilaria da. Bere lanak identitatearekin eta generoarekin lotutako gaiak arakatzen ditu, eta benetako istorioak eta pertsonaiak erretratatzen ditu, bai bere lan komertzialean, bai bere dokumentaletan. Bere irudiak benetakoak dira, intimoak eta femeninoak, eta kolorearekin eta konposizioarekin jolasten dute. Bere azken film laburra den Mal de madre-ren Estatu mailako estreinaldia Zinebiren 2025eko edizioan egingo da.
ANTONIO MIGUEL ARENAS
Zinemagilea. Magnolia aldizkariaren sortzaileetako bat izan zen, zeina kritika eta analisi zinematografikoko online argitalpen bat baita. Punto de Vistaren prentsa-bulegoko kide izan zen 2016an eta 2017an. 2018an Komisariotza graduondoko ikasketak egin zituen Donostiako Elías Querejeta Zine Eskolan. 2021az geroztik, Granadako Gazte Errealizadoreen Jaialdiko zuzendari artistikoa da eta hamarkada batez baino gehiagoz izan du harremana jaialdi horrekin. Granadako José Guerrero Zentroak komisariatutako Topo estrellado (2023) film laburra zuzendu du. Gaur egun, ECAMeko La Distribuidoraren koordinatzailea da, eta han dihardu ere irakasle gisa.
EQZE – ZINEBI GORDAILUA PROIEKTUKO GONBIDATUAK
MATIAS FAJN
Matías Fajn (Buenos Aires, 1995) zinemaren arloko ikerlaria da. Bost urtez produktore nagusia izan zen Avellanedako Udalaren Ikus-entzunezko Komunikazio Idazkaritzan. Funts filmiko eta dokumentalen katalogazio, ikerketa eta komisariotza lanak egin ditu ARTIUM Euskal Herriko Arte Garaikidearen Museoan, Donostiako Nazioarteko Zinemaldian eta Elías Querejeta Zine Eskolak bultzatutako ZINEBI Gordailua proiektuan.
ESMERALDA REYNOTH
Argentinan bizi den hondurastarra. Buenos Airesko Unibertsitatean Arte Konbinatuak eta Goi eta Erdi Hezkuntzako Arte Irakasle ikasketak egin zituen. UNTREFen ikus-entzunezkoen ekoiztetxean lan egin zuen, telesail akademikoetako eta entretenimendu kulturaleko produkzioetan. Hainbat kultur aldizkari independenterekin kolaboratu du. Epaimahaikide izan da Mar del Platako Nazioarteko Zinema Jaialdian, Ícaro Honduras Jaialdian eta FUSAGASUGÁn, eta Berlinale Talents eta Locarno Industry Academy-ko programen parte ere izan da. Horrez gain, kuradorea izan zen Cine En Femenino Festival-en eta Kaikaya Artxiboa koordinatzen du, Hondurasko zinemari buruzko ikerketa gune bat, zeinetatik Berreskuratutako Zinemaren Astea eta Cineclub Utopía zuzentzen baititu.
