ZINEBI NETWORKING FORO PROFESIONALA

ZINEBI Networking ezagutza transferitzeko espazio eta topagune bat da, zeina Bilboko Zinema Jaialdiak fikziozko, dokumental izaerako eta animaziozko film laburretan duen espezializazioan oinarritzen baita. Zinema dokumentalari arreta berezia eskainiz, askotariko jardueren programa bat eskaintzen du, zinemaren inguruko sorkuntza, analisia eta eztabaida ardatz dituena, hainbat ikuspegi eta esperientziekin.

ZZINEBI Networkingek sektoreko profesionalen arteko topaketa bultzatu nahi du, eta bere jardueratako asko ireki egiten dizkie, sorkuntzan eta ikus-entzunezko industrian, bere ibilbide propioa garatzeko ezagutzak eskuratu nahi dituzten ikusleei.

Horrez gain, ZINEBI Networkingen baitan garatzen da Zinema Dokumentalaren Bilboko VII. Foroa, sari bat irabaz dezaketen proiektu dokumentalak kontrastatzeko eta bizkortzeko prozesua. Sariak Estatuko proiektuaren kategoriakoak edo euskal proiektuaren kategoriakoak izan daitezke eta, azken horretan, saria EITBren funtsezko lankidetzarekin eskaintzen da. Bi sarietako bakoitzaren zenbatekoa 15.000 eurokoa da.

ZOngietorri bero bat eman nahi diet parte hartzaileei eta nire eskerrik beroenak Eusko Jaurlaritzari, jarduerari berariaz emandako laguntzagatik.

Joseba Lopezortega
ZINEBIko Zuzendaria