Aukera Programa jardunaldi profesionala
Aukera ikus-entzunezkoen sektorean lan egin nahi duten emakumeak babestu eta ahaldundu nahi dituen proiektua da. 18 eta 30 urte bitarteko emakume euskaldunei zuzendutako film laburren mentoretza-programa bat da, (H)emen elkarteak sustatzen eta antolatzen duena ZINEBIrekin lankidetzan, eta Zineuskadi, Kutxa Kultur eta Araba, Bizkaia eta Gipuzkoako Foru Aldundien babesarekin.
Ekimen honen helburua ikus-entzunezkoen sektoreko emakumeak laguntzea eta ahalduntzea da, unibertsitatetik edo prestakuntzatik profesionaltasunerako bidean.
Programaren hirugarren edizio honetan film laburrak egiteko 6 proiektuk hartu dute parte: Ezagutzen ditudan bekain guztiak, Gure gozamena, Llueve en casa, Mi reina, Nova Red eta Tick Tack.
Urtean zehar Gidoi, Zuzendaritza eta Ekoizpen mentoretza intentsiboak jaso dituzte Ana Hormaetxea, Izaskun Arandia, Marina Lameiro, Norma Vila, Gloria Peña eta Gentzane Martínez de Osaba profesionalen eskutik. Mentoretza trinkoetaik aparte, begirada feminista zineman, dossierren garaketa eta pitching-prestaketa ikastaroak jaso dituzte ere.
ZINEBIren 65. edizioan, Aukerako partehartzaileek industriaren aurrean pitcheatuko dituzte euren proiektuak. Hiru emakume profesionalek osotutako epaimahaiak, programan zehar garatutako dossierra eta pitchinga kontutan hartutan, hiru sari hauek erabakiko ditu:
- Sortzaile Saria 3.000 €
- Bizkaiko Foru Aldundia Saria Euskarazko Proiektu Onenari 3.000 €
- (H)emen Saria 3.000 €
- Zineuskadi Saria (Nazioarteko merkatura bidaia)
Sariak ZINEBIko itxiera galan emango dira.
MENTOREAK
Izaskun Arandia Galarraga
Gidoilari, zuzendari, ekoizlea
Gidoilari, zuzendari eta ekoizlea da. Batez ere zineman aritua, Izar Films ekoiztetxea sortu zuen 2011an eta Agur esatea (2012), Muga deitzen da pausoa (2018), 2 urte, 4 hilabete eta egun 1 (2020), Non dago Mikel? (2021) eta Socorristas (2022) bezalako lanen ekoizle izan da azken urteetan. 2016an (H)emen (Euskal Herriko Ikus-entzunezko eta Arte Eszenikoetako Emakumeen Elkartea) sortu zuen eta bere presidente-kidea da gaur egun. Bestalde, epaimahai ezberdinetan parte hartu du ondorengo zinemaldietan: Huhezinema (Aretxabaleta), Donostiako Zinemaldia (SGAE Saria), FICMA (Bartzelona), Zinegoak, Fant eta ZINEBI. Gaur egun ekoizten jarraitzen du eta berriki estreinatu du berak zuzendutako lehenengo film luzea, My Way Out (2022) dokumentala. Irakasle bisitari bezala ere aritzen da Mondragon Unibertsitatean, zine eta gidoigintza klaseak ematen.
Ana Hormaetxea Ibarbengoetxea
Gidoilaria
Ikus-entzunezko Komunikazioan lizentziaduna (Nafarroako Unibertsitatean, 1996). Ia 20 urte daramatza edukia sortzen zenbait plataformatarako. Telebistako gidoilari gisa, batez ere ETBrako serie eta saioetan, lan egin du: Go!azen (gaur egun), Dale una vuelta (lehiaketa), Tú al norte y yo al sur (reality), Vaya semanita, Esto no es serio, ¿o sí? (sketchak), Vuelta de tuerca (magazinea), Balbemendi (telesaila) besteak beste. Gainera, film luzeen eta fikziozko serieen proiektuak ere idatzi ditu, gaur egun garatzen ari direnak (Ladronas, El tesoro de Lehman, Tormenta de Abril eta Basque Children). Ikus-entzunezko Gidoilarien Elkarteen Foroko (FAGA) Juntakidea; (H)EMEN eta CIMAko bazkidea.
Marina Lameiro
Gidoilari, zuzendari, ekoizlea
Ikus-entzunezko Komunikazioan lizentziatu zen URJCn. IDEC-UPFren Sorkuntza Dokumentaleko masterra eta unibertsitate bereko Ikus-entzunezko Muntaketako Graduondokoa egin ditu. UnionDocsen Collaborative Studioko (CoLab) kide izan zen New Yorken, artista egoiliar gisa. Hainbat dokumentalen produktorea, errealizadorea eta gidoilaria da. 2018an Young & Beautiful bere lehen film luzea estreinatu zuen. Besteak beste, Punto de Vista jaialdian Publikoaren Sari Berezia lortu zuen, Feroz sarietarako izendatu zuten eta 20 herrialde baino gehiagotan proiektatu da. 2021ean, bere bigarren film luzea Dardara eta Paraiso film laburra (Maddi Barberekin batera zuzendua) estreinatu zituen. Paraiso besteak beste, FID Marseille, Black Canvas, RIFF eta London Open City Documentary Film Festivalen. 2021ean, halaber, 918 Gau estreinatu zen, Arantza Santestebanek zuzendutako film luzea eta Marina Lameirok eta Marian Fernández Pascalek ekoiztutakoa Hiruki Filmak eta Txintxua Filmsen bitartez.
Gentzane Martínez de Osaba
Ekoizlea
Euskal Herriko Unibertsitatean Ikus-entzunezko Komunikazioan lizentziatua, Zinema eta Bideo-Errealizazio eta Produkzioan goi mailako ikasketak egin zituen Bartzelonako IDEP eskolan. Ikasketak amaitu ondoren, Canal+, TVC eta RTVE bezalako komunikabideetarako freelance kamera-operadore gisa lan egin zuen, eta zinemaren munduan bere ibilbidea hasi zuen, nazioko eta nazioarteko enpresa eta ekoizleentzako hainbat ekoizpen eta dokumentaletan laguntzaile gisa lan eginez. 2008an Bilbora itzuli zen eta argazkigintzako zuzendari gisa jarraitu zuen, hainbat produkziotan lan eginez. ETBko telesaio bateko errealizadore gisa lan egin zuen 4 urtez. 2013an, Marmoka Films sortu zuen Alex García de Vicuñarekin batera. Marmoka Films-ek sormenezko dokumentalak garatu eta ekoizten ditu. Ekoitzitako dokumentalak oso harrera ona izan dute bai kritika aldetik, baita nazioarteko jaialdietan ere, eta nazioartean banatu dira. Nazioarteko merkatuan duen posizioa zabaltzeko asmoz, Marmoka Films urtero joaten da Europako hainbat merkatu eta jaialditara: Sunny Side, DocsBarcelona, FIPA Biarritz, EFM-Berlin, Marché du Film Cannes, SSIFF eta IDFA. Ekoizle exekutibo eta ekoizpen-zuzendari gisa egin dituen azken lanen artean honako hauek nabarmentzen dira: Tetuan, Daniel(a), Altsasu (Gau Hura), El Drogas, Gallo, Señales de Vida; Nestor Basterretxea, Chillida; Esku Huts, Bajo Cero eta Next Time Inshallah (besteak beste).
Gloria Peña
Ekoizlea
Ikus-entzunezko sektorean 20 urtetik gorako esperientzia duen ekoizpen zuzendari betearazlea da. Bere ibilbide profesionala publizitatea, fikzioa (irudi erreala eta animazioa), dokumental luzeak eta telebista kate nazional eta streaming plataforma nagusietarako entretenimenduzko programak egiten garatu du. El Deseo, Endemol, Zebra Producciones eta Banijay Iberia konpainiekin lankidetzan aritu da, bai proiektu nazionaletan bai nazioartekoetan. Arabako Foru Aldundiko ikus-entzunezko proiektuen garapen eta ekoizpenari zuzendutako diru-laguntzen Balorazio Batzordeko kidea da. Ekoizpen mentorea Apika Project Lab proiektu-laborategian.
Norma Vila Freaza
Gidoilari, zuzendari, ekoizlea
Diseinu grafikoa, argazkigintza artistikoa eta argazki-zuzendaritza ikasketak egin zituen. Bere ibilbide zinematografikoa argazkigintzako zuzendari bezala hasi zuen, dokumental eta film laburretan lan eginez. 2016an Jules D. fantasiazko film laburra, bere opera prima zuzendu, ekoitzi eta idatzi zuen; AEBetako FilmQuest eta Women in Horror, Espainiako ZINEBI edo Txinako Genre Celebration bezalako jaialdietan nazioarteko laurogei hautaketa eta hogei sari baino gehiago jaso zituen honekin. El fin de todas las cosas (2019), bere bigarren film laburra, hau ere elkarlanean idatzia, ekoitzi eta zuzendu zuena, Malagako Zinemaldian estreinatu zen eta Mexikoko Guadalajarako Zinemalditik – FICG, Suediako Uppsala Int. Short Film Festival edo ZINEBI jailadietatik pasatu da, besteak beste. Haritz Zubillagas zuzendutako The Devil On Your Back film laburra, El columpio asesino taldearen Huir bideoclipa, edo El ataúd de cristal film luzearen ekoizpenean egin du lan. Gaur egun, bere lehen film luzea garatzen dihardu.
AUKERA 2023ko EPAIMAHAIA
Marta Gómez
gidoilaria, zuzendaria eta gidoi aholkularia
Marta Gómez gidoilaria, zuzendaria eta gidoi aholkularia da. 2008tik Suitzako Plume & Pellicule-ren gidoigintzarako urteko egonaldirako hautaketa batzordeko kidea da. Proiektuen aholkulari izan da Espainian, Australian, Erdialdeko Amerikan eta Frantzian. Kolonbiarekin duen harreman estua dela eta, Proimágenes (Zinema sustatzeko funts nazionala) funtseko epaimahaikide izan da, eta Bogotako Unibertsitate Nazionaleko Idazketa Sortzailearen Maisutzan irakasle gisa jardun du. 2020tik Al Borde films-eko zuzendaria eta ekoizlea da. Bere azken lanen artean Hondarrak dago, zeina ZINEBI, Camerimage edo New Orleans Film Festival jaialdietan hautatua izan baita, besteak beste. Gaur egun, La Sinsorga film luze dokumentalaren produkzioan eta Pakistanen filmatutako Flying Hands filmaren postprodukzioan dihardu (azkena 2024an estreinatuko dute).
Maite Ruiz de Austri
Ekoizlea, gidoilaria eta zuzendaria
Ekoizlea, gidoilaria eta zinema zein telebistako zuzendaria. 30 urtez Espainiako animaziozko film luzeen zuzendari espainiar bakarra izan da. Sei film luze eta telebistarako 3 telesail zuzendu ditu orain arte. Espainiako Zientzia eta Arte Zinematografikoen Akademiako Zuzendaritza Batzordeko kide izan da. Jaso dituen sarien artean, honako hauek nabarmentzen dira: animaziozko film onenaren bi Goya sari, El regreso del viento del norte y eta ¡Qué vecinos tan animales! filmekin; urrezko hiru domina Houstongo World Fest jaialdian; eta zilarrezko domina bat New Yorkeko Nazioarteko Telebista Jaialdian. La bola dorada fikziozko film luzearen produktore exekutiboa eta Memorias de Idhún Netflixen Espainiako lehen animaziozko serie originalaren zuzendari ere. Duela gutxi Beatriz de Silvaren Tula ekoitzi du, 2022ko Oscar sarien shortlist-eko fikziozko film laburra.
Estibaliz Urresola
Zuzendaria
Ikus-entzunezko Komunikazioan lizentziaduna (Euskal Herriko Unibersitatea – UPV/EHU), Muntaiaren Edizio eta Teorian lizentziaduna (Nazioarteko Zinema eta Telebista Eskola – EICTV Cuba), Zinema Zuzendaritzan Masterra eta Film Business (Escola Superior de Cinema I Audiovisuals de Catalunya – ESCAC) masterra. 2011z geroztik, hainbat film labur idatzi, zuzendu eta ekoitzi ditu, hala nola Polvo somos (Sirimiri Films), zeinarekin, 2020an, ZINEBI – Bilboko Dokumentalen eta Film Laburren Nazioarteko Jaialdiaren Euskal Zinemaren Sari Nagusia irabazi baitzuen eta, 2021ean, bi Biznaga (publikoaren saria eta emakumezko aktore onena, Goize Blanco-rentzat) irabazi baitzituen Málagako Zinemaldian. Bere Cuerdas film laburra Cannesko Zinemaldiko Semaine de la Critiquen estreinatu zen, eta Estatuko eta nazioarteko hainbat jaialditan izan da. Film labur onenaren Forqué Saria jaso zuen, eta baita 2023ko Goya Sarietarako izendapena ere. Aurten ere, Urresolak 20.000 especies de abejas estreinatu zuen, fikziozko bere lehen film luzea, Berlingo Nazioarteko Zinemaldia – Berlinaleko Lehiaketarako Sail Ofizialean. Film horregatik, Sofía Oterok antzezle protagonista onenaren Zilarrezko Hartza irabazi zuen, eta filmari Publikoaren Saria eta Alemaniako Erakusketarien Saria ere eman zizkioten. Film Onenaren Urrezko Biznaga ere irabazi zuen Málagako Zinemaldian, eta debut onenaren eta zuzendaritza onenaren sariak irabazi zituen Guadalajarako Nazioarteko Zinemaldian – FICG Mexikon, eta San Frantziskoko Frameline jaialdian, AEBen.
