Mediterraneoko Umag herri txiki eta lasaian, hartz baten agerpen ezohikoak gatazka pizten du basa-zainzurien sasoiaren erdian, eta komunitatea eszeptikoen eta hartza benetan existitzen dela uste dutenen artean banantzen du. Neurriz kanpo korapilatzen den tokiko gertaera txiki baten ondoren, filmak sare sozialen garaiko egiaren eta gezurraren arteko lerro lausoak aztertzen ditu.
Etorkizunean, emozioak eta keinuak desagertu dira. Baina orainean gaude: bost ikertzaile patinete elektrikoetan iristen dira Euskal Herriko herri batera, beren garaian ahaztu duenaren bila. Elkarrizketen eta behaketaren bidez, bertako biztanleen intimitatean barneratzen dira, eta pixkanaka iragana eta etorkizuna nahasten hasten dira.
Hildako venezolanoak itxaroten du, etorkizunak zer gordetzen dion jakin gabe. Makinen arabera, paradisurako bidaia laster hasiko da. Baina purgatorio digital honetan, burokrazia eta kontrola jarraitzen dute.
Bi etxebizitza eta putzu bat dituen etxe bat partekatzen duten bi neska lagunek jabetza horrekin negozioa egiten hasten dira. Batak putzutik ateratzen duen ura botillatan sartzen eta besteak ur berdinarekin ortua ureztatzen eta lortzen dituen produktuak saltzen. Putzuaren inguruan makina bat eraikitzen dute etekin haundiagoa ateratzeko. Makinak gero eta azkarrago egiten du lan.
Apokalipsi osteko Filipinetan absoluzioa bilatzen ari dela, nahigabetutako ama batek bere alaba erromesaldi sekretu batera eramaten du gogoz kontra, beren jainkoaren igokunde jainkotiarrean parte hartzeko.
Brasilgo ipar-ekialdeko baltsa eta kanoen mundutik abiatuta, filmak kolore, paisaia eta abstrakzioari buruzko elkarrizketetan atari bat aurkitzen du bertako itsasgizonen irudimen emozionalera sartzeko. Performance, dokumental eta São Francisco ibaiaren ubideko irudien artean, irudiek egunerokotasuna fikzioarekin nahasten duen narrazio bat ehuntzen dute.
