Erabili gure bilatzailea

    Sail ofiziala
    Film Laburren Nazioarteko Lehiaketa

    A012C006_230120_B29B.mxf_1.6.12 – Ismael Martin

    Agrio Sour

    David Pérez Sañudo

    Salmentek behera egin dute txarra zegoen merengea saltzea bidegabeki leporatu zietenetik. Horregatik, Mentxuk ustekabeko festa bat antolatu dio Laura ahizpari, establezimenduko arduradunari. Hala ere, babesa agertzeko topaketa zirudienak ez du espero zen bidea hartzen. Ustekabeko festa konfiantza ariketa bihurtzen da.

    Informazio gehiago
    Captura Azadi (1) – UAB – Máster Documental Creativo

    Azadi

    Lily-Eileen Uxía Baker Föhring, Juan Luis Ortega Navarrete, Luciana Espinoza Hoempler

    Sarahk, bere herrialdera itzultzeko gai ez den emakume irandarrak, urrunetik parte hartzen du emakumeen askapenaren aldeko mugimenduan. Telefono deien bidez, Irango bere kontaktuekin hitz egiten du eta gatazkaren errealitate gordina ezagutzen du.

    Informazio gehiago
    Composition of existing experiences (1) – Anna Waszczuk

    Composition of Existing Experiences Kompozycja z przeżyć istniejących

    Joanna Szlembarska

    Bikoteak elkarrekin igaro du gaua. Emakumea askatasunez mugitzen da apartamentuan barrena, salbuespen bakarrarekin: ezin da bikotekidearen pintura estudioan sartu. Apartamentuaren barnealde monokromatiko garbia, odol koloreko pintura abstraktuak eta egunsentiko argi leuna baretasunez eta ziurgabetasunez betetzen dira aldi berean.

    Informazio gehiago
    Criss Cross 1 – Simona Hrusovska

    Criss Cross Krížom Krážom

    Nina Rybárová, Tomáš Rybár

    Gurutze-puntuan egindako istorio labur bat, txoritxo baten, antxume baten eta azeri baten arteko adiskidetasunari eta traizioari buruzkoa, “Adiskide egik ez behar duanean, bana behar duaneko” dioen esaera zaharrean inspiratutakoa.

    Informazio gehiago
    DT_FRAMES_FEV2023_1.1.4 – Portugal Film

    Dildotectonics Dildotectónica

    Tomás Paula Marques

    Egun, Rebeca zeramikazko dildo ez-falikoen bilduma bat sortzen saiatzen ari da. Inkisizioan zehar, Josefak Mariarekin duen maitasun harreman debekatuan erabiltzen duen dildo bat aurkitu du. Denbora-lerro desberdinetan badaude ere, Rebecaren eta Josefaren bideak gurutzatu egingo dira.

    Informazio gehiago
    elsoldao_1 – Lastor Media Polvo Serán

    El soldao

    Alejandro Cabrera

    Franciscoren erretratu baten aurrean gaude: andaluziar jatorriko etorkina da eta urtero itzultzen da bere sorterria den Kordobara. Oraingoan, familiaren etxea du zain; hutsik dago ama hil zenetik. Istorio intimo eta pertsonal bat da, zeinaren bidez jendez husten ari den landa eremuari begiratuko baitiogu, gure buruan besterik existitzen ez diren lekuek gugan zer nolako eragina duten jakiten ahalegintzen garen bitartean.

    Informazio gehiago
    ENTRE LAS SOMBRAS ARDEN MUNDOS STILL 1 – Ismael Garcia

    Entre las sombras arden mundos Worlds Burning Amid the Shadows

    Ismael García Ramírez

    Ramona, etxetik ihes egin berri duen emakume bat, sastraka hostotsuz betetako bazterreko auzo batean sartzen da. Han bere semearekin topo egiten du berriro. Aterpe bila, haren lagun taldearekin bat egiten du. Emakumeak gazte izerditsuen taldearekin igarotzen du gaua, iluntasuna samaldan bizitzen, eta gozamen eta babes suak eskatzen.

    Informazio gehiago
    IMG_1 – Grannola

    Furrie

    Lucie Grannec

    Hamabost animalia puzgarrirekin harreman irekiak dituen izurde bat, zerealetako maskota batekin zeharo maiteminduta dagoen azeri bat, udal igerilekuan latexezko jantzi bat soinean duela nola puztu praktikatzen duen igel bat… Furry fandom-a Interneten leku handia duen eta nagusiki anglosaxoia den komunitate bat da, zoomorfismoarekin lotutako mirespen, identifikazio eta sorkuntza artistikoko jardunak ezaugarri dituena.

    Informazio gehiago
    01 – Federico Fasulo

    Girls Le fenne

    Giulia Di Maggio

    10 urterekin, Clarissak heldutzat jotzen du bere burua, baina laster jakingo du oraindik zerbait falta zaiola emakume izateko. Horrela hasten da Clarissaren bidaia intimo eta nahasia, zeinetan bere herriko emakumeek ezkutatzen duten sekretua argitzen saiatuko baita. Dena den, Clarissak ez du jakingo benetan heldua izatea zer den bere burua guztiz galtzen duen arte.

    Informazio gehiago
    Hypatia1

    Hypatia

    Andrei Stefan Răuțu

    Etxearen atzeko lorategian egindako afaria aukera paregabea da bikote ezkondu batek dibortzio saihetsezin bati buruz dituen ideiak parteka ditzan. Garagardo zurrut bakoitzarekin eta bruschetta mokadu bakoitzarekin, emozioek adimen soilaren lekua hartzen dute. Alaba bat-batean agertzen da eta harritu egiten ditu, familia perfektuaren erretratua dirudien une batean. Nola kontatuko diote banandu egingo direla?

    Informazio gehiago
    InANeabryField-Still.04 – M_W Festivals

    In a Nearby Field

    Laida Lertxundi, Ren Ebel

    Gizon bat, emakume bat eta haien alaba txikia elkarrekin bizi dira Euskal Herriko apartamentu batean. Etxeko lanak eta eguneroko keinuak paisaia berde eta oparoetan gainjartzen dira. Errealizadoreek eta beren ordezkoek eguneroko baten zatiak berrinterpretatzen dituzte. Musikak etxea betetzen du eta haurren marrazkiek bizia hartzen dute. Behaketa eta fantasiazko uneak uztartuz, film honek sostengatzen gaituzten laguntzaz, herentziaz eta zeregin ikusezin txikiei buruz hitz egiten ditu.

    Informazio gehiago
    Kinderfilm_5 – Alexander Gratzer

    Kinderfilm

    Total Refusal Colective (Adrian Jonas Haim, Robin Klengel, Michael Stumpf)

    Egun arrunt bat da Grand Theft Auto V jokoan. Kaleak autoz beteta daude, jendea bere errutinetan murgilduta dabil; lorategietan barbakoak egiten eta hondartzan eguzkia hartzen ari dira. Baina, hala eta guztiz ere, jokoaren munduan absentzia larri bat dago: segurtasun arazoak direla eta, desagertutako etorkizun bat bertan behera geratu da. Hutsuneari izena eman ezinik, Edgar izeneko protagonistak bere errealitatearen algoritmoan faltan denaren arrastoak jarraitzen ditu. Bere normaltasunaren misterioak arakatuz, mundu eder baina amesgaiztoko bat aurkituko du berriz.

    Informazio gehiago
    The_illustrated_woman_04

    La mujer ilustrada Illustrated Woman

    Isabel Herguera

    Ahmedabad-en, Isabel animazio tailer bat ematen ari da aldi baterako tatuajeetarako Mehndi teknika erabiltzen duten tatuatzaile talde bati. Beren ametsei buruz galdetzen die: hegan egitea, emakumeen parlamentu bat, Suitzara bidaiatzea eta independentzia rap baten bidez aldarrikatzea.

    Informazio gehiago
    Margarethe-300dpi-3

    Margarethe 89

    Lucas Malbrun

    Leipzig, 1989. Margarethe, Ekialdeko Alemaniako erregimenaren aurka dagoen punk gazte bat, ospitale psikiatriko batean giltzapetu dute. Ihes egitearekin eta maite duen gizonarekin (Heinrich izeneko punk musikariarekin) elkartzearekin amets egiten du. Baliteke erregimenari egun gutxi geratzea, baina Stasiko informatzaileak inoiz baino adiago daude.

    Informazio gehiago
    Mauricesbar-still40 – Sacrebleu Productions

    Maurice’s Bar

    Tom Prezman,Tzor Edery

    1942an, inorako tren batean, drag queen ohi batek Parisko lehen queer tabernetako batean igarotako gau bat oroitzen du. Bezeroen txutxu-mutxuen zatiek taberna mitiko hura eta haren jabe judu-aljeriar misteriotsua ekartzen dizkiote gogora.

    Informazio gehiago
    Image2 – Mailuki Films

    Memories of an Empty House Memórias de uma casa vazia

    Bruno Carnide

    1990ean idatzi zen lehen gutuna. Emakume hautsi baten idazkien bidez, gutun horretatik eta hurrengoetatik, buru zatikatu baten puzzlea eraikitzen da. Oinazea eta kontsolamendua ematen zizkioten oroitzapenei gogor helduz, bere identitate hautsia berreraikitzen saiatzen da, galdutako amodio handiei, senarrari eta alabari, bere pentsamendu sekretuenak aitortuz.

    Informazio gehiago
    Memoires du Bois_4©GREC_Theo Vincent – Théo Vincent

    Memories of Vincennes Mémoires du Bois

    Théo Vincent

    Vincennes-eko basoa. Erakusketa eraikin kolonial baten hondakinak, non ahots bitxiak entzuten diren eta inork gogora ekarri nahi ez dituen irudi zaharrak lo dauden. Moussak, dena den, obsesio bakarra du: bere laguna gertu izatea, lagunaren hilotza Senegalera itzuli den arren.

    Informazio gehiago
    NOCTURNO_1.3.1 – Portugal Film

    Nocturne for a Forest Nocturno para uma floresta

    Catarina Vasconcelos

    XV. mendean, Portugalen, monje talde batek harresi bat eraiki zuen baso baten inguruan eta emakumeak sartu ahal izatea eragotzi zuen. Bizidunen eskuek, ordea, ezin dute dena kontrolatu: mundu ikusezinean, non gaua nagusi baita eta arimak baitira basoko argi bakarrak, emakumeen beren ikusezintasun erresuma eraiki dute, harresirik gabe.

    Informazio gehiago
    Oliver_the_Giant_still_2 – Máté Dózsa

    Oliver, the Giant Oliver az óriás

    Júlia Lantos

    Oliver erraldoia planeta txiki batean bizi da. Bere ikuspegitik, mundua bere jolastokia da eta nahi duena egin dezake bertan. Bere bizitza xumea bizitzen ari dela, gizaki txikiak kezkatu egiten dira garrantzi handiko beste kontu batekin: eguzki ordulari bat eraiki nahi dute unibertsoarekin konektatu ahal izateko. Horrek hankaz gora jartzen du Oliverren bizimodua. Unibertsoaren dunbotsetik hasi eta itzal handi baten agerpenera, bere txikitasun propioaz ohartzen da.

    Informazio gehiago
    OurPain_stills01 300dpi

    Our Pain

    Shunsaku Hayashi

    Partekatzen dugun min horrek, banaka eta modu bakanean bizitakoa bada ere, elkarren artean konektatzen gaitu. Gure existentziaren anbiguotasuna eta aniztasuna direla eta, alternatiba horien aldagai ugari irudika ditzakegu, batzuk gaiztoak izan daitezke eta beste batzuk, aldiz, onberak.

    Informazio gehiago
    POVMEMORY_still_1 – Mónica Gallego

    POV Memory

    Igor Smola

    Soldadu batek bitxiontzi batean gordetzen ditu bere trofeoak, oroigarri gisa. Talde argazki bat egiten du, oroigarri gisa. Soldadugaiak filmatzen ditu entrenatzeko eremuan, oroigarri gisa. TBko zirkuitu itxiko kamerek krimen bat egiten harrapatzen dute. Krimena ordenagailu baten memorian gordeta geratuko da.

    Informazio gehiago
    LST STILL 6 – Janus Victoria