70eko hamarkadako Espainian, Ali ikasle marokoar gazteak diskriminazioaren aurka borrokatzen du unibertsitatean, matematika gainditzen saiatzen den bitartean. Ikaskide baten ustekabeko laguntzarekin, diktadurak ezarritako arauei aurre egingo die.
Putanesca film sozial laburra da, metafora huts bat ez den ikusezintasun horretaz hitz egiten duelako: bakardadeak, doluak eta erakusleiho bihurtutako hiri batek sortzen duten horretaz. Turistifikazioa, etxebizitza eta gentrifikazioa, zainketak eta ingurua zu gabe berrantolatzen denean sortzen den "ezereztasun" sentipena jorratzen ditu.
Gurasoek bisita egiten dioten bitartean, Amsterdamen bizi den eta ama izan berri den emakume palestinar batek zailtasunak ditu bere jaioberriarekin harremana estutzeko. Familia dinamikak agerian geratu ahala, erditze osteko erronkak eta familiaren itxaropenak handitzen doaz.
CGI collageak, fotogrametria eta irudi errealak nahastuz, Display Nature-k espazio urbanoek eta digitalek gure naturaren eta geure buruaren ideia nola islatzen duten arakatzen du. Pertzepzioari, merkantilizazioaren zentzugabekeriei eta bizitza moderno artifizialaren baitako deskonexioari buruzko hausnarketa bat. "Naturari forma ematea, zeure buruari forma emateko."
Ikertzaile, erlezain eta haur talde baten arteko topaketen bidez, Euskal Herrian erleek heriotzarekin izan duten lotura kondatzen eta kantatzen du filmak.
Neurri batean bilaketa eta beste neurri batean erritu katartikoa izanik, Miak oroimenez bustitako objektuak eta espazioak sortzen ditu. Era berean, eta batez ere, indarkeriaren arkitektura baten berreraikuntza da; haurtzaroko etxean aitak sexu-abusua egin zion neskato baten ikuspegitik begiratuta.
Perikito bat luxuzko ongizate-hotel batean dago, non bakea eta erlaxazioa agintzen dizkieten hegazti estresatuei. Baina, iturrien murmurioaren eta masaje lasaigarrien artean, kaiolaren segurtasunera itzuli, besterik ez du nahi.
Joseph Mararen bila dabil. Mara bere burua bilatzen saiatzen ari da. Biek festa batean egiten dute topo. Jendea hondartzako hondarrera iritsi den baleaz hitz egiten ari da. Marak ikusi egin nahi du, eta Josephek Marari jarraitu nahi dio, ekaitza datorrela badirudi ere.
