• Hautatutako filmak 33 herrialdetakoak dira, eta guztiek Estatuko estreinaldia izango dute Bilbon.
  • Euskal ekoizpeneko bost film labur eta Estatuko beste zazpi film labur lehiatuko dira ZINEBI Sari Nagusia irabazteko.
  • Nazioarteko Film Labur Lehiaketaren nazioarteko epaimahaia honako hauek osatuko dute: Ramia Beladel artista marokoar eta Marrakexeko Film Laburren Jaialdiko zuzendariak; Callisto McNulty idazle eta zinemagile frantziarrak; Norika Sefa zuzendari kosovoarrak; Daniel Šuljić animaziozko zinema-zuzendari eta musikari kroaziarrak; eta Santiago Tabernero zuzendari eta gidoilari espainiarrak.

Bilboko Udalak antolatutako ZINEBI – Bilboko Zine Dokumental eta Film Laburren Nazioarteko Jaialdiak azaroaren 21etik 28ra bitartean egingo den Film Laburren 67. edizioko Sail Ofiziala – Nazioarteko Lehiaketa osatuko duten 33 herrialdetako 58 film aurkeztu ditu. Horiek guztiak bederatzi saiotan proiektatuko dira Azkuna Zentroa-Alhondiga Bilbaoko Auditorioan, hilaren 22tik (larunbata) 27ra (osteguna).

Zinemaldiaren araudian ezarritako hiru kategorien arabera (ez dira baztertzaileak, eta horrek esan nahi du film labur bat kategoria batekoa baino gehiagokoa izan daitekeela), 19 film fikzioak dira, 19 dokumentalak eta 20 animazioak.

Zinemaldiko programazio taldeak 58 film aukeratu ditu martxotik hona jasotako 9.000 filmen artean. Banaketa geografikoari dagokionez, Euskal Herriko eta Estatuko filmez gain, aurten ere Alemaniako (9) eta Frantziako (7) konpainiek ekoitzitako edo koproduzitutako film laburrak nabarmentzen dira Nazioarteko Lehiaketan parte hartzeagatik.

Hautatutako filmen artean, euskal bost ekoizpen (edo koprodukzio) Estatuan estreinatuko dira hilaren 22an eta 23an, Nazioarteko Lehiaketaren lehenengo lau saioetan:

  • “El cuerpo de Cristo” (Bea Lema, 2025), 2024ko Komiki Sari Nazionalaren irabazlearen komiki autobiografikoaren egokitzapena, Uniko bizkaitar konpainiak eta Abano galiziarrak ekoiztua.
  • “Geratzen den hori” (Aitor Gametxo, 2025), zuzendariaren lanik pertsonalenetakoa da, hildako amaren objektu pertsonalen eta oroitzapenen bilaketatik abiatuta egina. Dolua aztertzen duen film laburra da, baina baita gaixotasuna eta duintasunarekin, zaintzarekin eta transmisioarekin duen harremana ere. ZINEBIk bere mundu mailako estreinaldia hartuko du.
  • “Habana industrial” (Ainhoa Ordoñez Yralagoitia, 2025), Habanako gau-giroan eta gero eta ilunagoa den gazte talde baten joan-etorria erretratatzen duen dokumentala.
  • “Le prime volte” (Giulia Cosentino & Perla Sardella, 2025), Visions du Réel Suitzako jaialdi ospetsuan mundu mailako estreinaldia izan zuen italiar eta euskal dokumentalen koprodukzioa
  • “Ultramarino” (Maren Zubeldia & Silvina Guglielmotti, 2025), fikziozko film laburra, Zion Arakistain, Iraia Elias eta Josean Bengoetxea protagonista dituena. Bertan, Zazuk, nerabezaroko ateetan eta bere nortasunaren bilaketa betean, bere herriaren jaian aldez aurretik zehaztutako rol bat betetzearen edo bere sentimenduei leial izatearen artean aukeratu beharko du.

Gainera, ZINEBIk Estatuko film laburrak proiektatuko ditu lehen aldiz, Nazioarteko Film Labur Lehiaketan:

  • “09/05/1982″ (Jorge Caballero & Camilo Restrepo, 2025) urtean Latinoamerikako herrialde batean filmatutako film hondatu batez baliatzen da irudien balioa zalantzan jartzeko. FidMarseille eta Toronton izan ondoren, Bilboko jaialdiak bere estatuko aurkezpena hartuko du.
  • “La desesperació de la pell” (Mireia Vilapuig, 2025) hamahiru urteko neskato batek etxean egindako grabazioen bidezko bidaia emozionala da, egileak bere nerabezaroaurrea eta errugabetasunaren galera gogoratzen dituen bitartean. Vilapuigek, zuzendaria izan da aktore baino lehen, eta documental honekin zuzendaritzan hasi du. Florentziako Dei Popoli Jaialdian eta Amsterdamgo IDFAn izan ondoren ZINEBIn Estatuan estreinatu den dokumental honekin.
  • “La durmiente” (Maria Inês Gonçalves, 2025) Portugalgo Beatriz infantak Erdi Aroan izandako istorioa kontatzen du, haurren fabulazioaren eta irudimenaren bidez. Ekoizpen lusiar-espainiar hau, oso-osorik Sancti Spiritus de Toro monasterioan filmatua, Rotterdamgo Nazioarteko Jaialdiak urteko Europako film labur onenaren sarirako hautagai izendatu zuen.
  • “El ensayo” (Carmen Ayala Marín & Alberto Martín Menacho, 2025) ijitoen kulturari edo ijito-herriari buruzko dokumental laburra da, Kordoba hiriko ikastetxe batean egindako entsegu labur baten bidez egina. “Antier noche” filmaren zuzendaria (Donostia Zinemaldian estreinatu zen 2023an) film laburraren lurraldera itzuliko da ekoizpen suitzar-espainiar honekin.
  • “Mal de madre” (Irene Baqué, 2025) fikzio bat da, protagonista amonaren etxera itzuli dela kontatzen duena, Lagarterara, non bere familiaren tradizioak oso errotuta dauden. Irene Baque (“Carmen, sin miedo a la libertad” filmaren zuzendaria) fikzioan sakonago murgiltzen da oraingo honetan, gai sozialei, identitarioei eta erresistentziari buruzko begirada oso ezagunaren bidez, emakumeak eta haien istorioak ardatz hartuta..
  • “Mon autre maman” (Fon Cortizo, 2025), Bilbon izango da mundu mailako estreinaldia. “Abellón” (2024) filmaren zuzendariaren film berria, ZINEBIn Publikoaren Saria eskuratu zuena, emakume batek Paristik Galiziara egindako bidaia da, txikitan zaindu zuen pertsonaren bila.
  • “The Rock Speaks” (Amy Louise Wilson & Francois Knoetze, 2025) koprodukzio hispaniar-hegoafrikarra da, Kongoko meategi batzuetatik azken belaunaldiko teknologia bihurtu arte kobaltozko arroka baten bidaia argigarriari jarraitzen diona. Iraultza digitalaren ezkutuko aurpegia esploratzeko adimen artifiziala erabiltzen duen esperientzia hibrido inspiratzailea.

BESTE FILM LABUR BATZUK

ZINEBIren 67. edizioan parte hartuko duten filmen artean, Pek Jia Hao eta Ang Jia Jun singapurtar errealizadoreen lan berria dago (2023an Zinemaldiko Sari Nagusia irabazi zuten “Beyond the Other Shore” filmarekin). Oraingoan “As If to Nothing” (2025) aurkeztuko dute, gangsterren mundu soilean girotutako drama sozial iluna, joan den hilean Tellurideko AEBetako jaialdian lehen aldiz aurkeztu zena.

Halaber, Bilbon lehiatuko dira Locarnoko (Suitza) Zinemaldiaren aurreko edizioan Egile Film Labur Onenaren Saria irabazi zuen film laburra “A Very Straight Neck” (2025), Ryuichi Sakamoto musikari japoniarrari buruzko “Opus” (2023) luzemetraia dokumentala sinatu zuen zinemagileak zuzendua; Marta Popivoda artista serbiarraren “Slet 1988” (2025) lan berria; Katharina Huber alemaniarraren “Late Harvest” (2025) indarkeriari buruzko hausnarketa lasaia; edo Theo Panagosing jatorri palestinarreko zinemagile eskoziarraren “The Flowers Stand Silently, Witnessing” (2024) Europako film labur onenaren sarirako hautagai den dokumentala.

FILM LABURREN NAZIOARTEKO LEHIAKETAREN SARIAK

ZINEBIren Nazioarteko Film Labur Lehiaketako sarien zenbatekoa handitu egingo da aurten. Hala gertatzen da, adibidez, ZINEBI Sari Nagusiarekin, lehen aldiz ia 20 urtean 8.000 eurora igo baita bere zuzkidura.

Nazioarteko Epaimahaiak honako hauek osatuko dute: Ramia Beladel artista marokoar eta Marrakexeko Film Laburren Jaialdiko zuzendariak, Callisto McNulty idazle eta zinemagile frantziarrak, Norika Sefa zuzendari kosovoarrak, Daniel Šuljić animaziozko zinema-zuzendari eta musikari kroaziarrak eta Santiago Tabernero zuzendari eta gidoilari espainiarrak. Nazioarteko Epaimahaiak sari hauek banatuko ditu:

  • Euskal Film Labur Onenaren Saria (6.000 euro), Euskal Autonomia Erkidegoan ekoitzitako eta Sail Ofizialean hautatutako film laburrentzat.
  • Espainiako Film Labur Onenaren Saria (6.000 euro), Estatuan ekoitzitako eta Sail Ofizialean parte hartzen duten film laburrentzat.
  • Dokumental Labur Onenaren Mikeldi Saria (5.000 euro).
  • Fikziozko Film Labur Onenaren Mikeldi Saria (5.000 euro).
  • Animaziozko Film Labur Onenaren Mikeldi Sariaa (5.000 euro).