Sail Ofiziala
Film Laburren Nazioarteko Lehiaketaren Epaimahaia
Florian Fernandez
Fernandez-ek masterra du Zinema ikasketetan eta industriako ekimenak koordinatzen ditu Short Film Corner – Rendez-vous Industry-ren baitan. Cannesko Zinemaldiak antolatutako lau eguneko foro horren helburua zera da, film laburren formak eta sortzaile berriak ezagutzera ematea eta, bide batez, zinemagileen eta industriaren arteko interakzioak erraztea. Horrez gain, Encounters Film Festival, Montrealgo Festival du Nouveau Cinéma eta SXSW – South by Southwest Zinemaldia Doc Shorts jaialdietako programazio batzordeetako kide da, aurre hautaketan parte hartuz. Urtero, The Short Film Lab prestakuntza programan eta European Short Pitch irakurketa batzordean parte hartzen du. 2023tik, Protest Studios-eko bazkide da, ahots bakanek sortutako hainbat film labur jaialdietan banatzeaz eta saltzeaz arduratzeko.
Haruka Hama
Yamagatako Zinema Dokumentalaren Nazioarteko Jaialdiko – YIDFF Tokioko bulegoko kide da 2001etik eta, 2015etik, jaialdiko zuzendaria da. Honako hauek koordinatu zituen: “Nexus of Borders: Ryukyu Reflections” (YIDFF 2003), eta “Vista de Cuba” (YIDFF 2011) eta “Latinoamérica” (YIDFF 2015) programak. Horrez gain, Tokion egoitza duen Cinematrix zinema-banatzailearentzat lan egiten du, zeinak Takamine Go-ren Hengyoro (Queer Fish Lane) film luzea estreinatu baitzuen. Nazio mailako eta nazioarteko proiekzioen koordinazioan parte hartzen du eta, besteak beste, Aicihi-ko 2016ko Hirurtekoko film programaren komisariotzaz arduratu zen.
Mariana Hristova
Hristova zinema kritikari, kultur gaietako kazetari eta programatzaile bulgariar bat da. Balkanetako eta Ekialdeko Europako zinema da bere espezialitatea, eta abangoardiako zinema, amateurra eta gutxitan ematen dena ere interesatzen zaizkio. Ohiko kolaboratzailea da Cineuropan, Talking Shorts-en, Klassiki Journal-en eta bulgariako elkarte zinematografikoaren web orrian Filmsociety.bg. Altcine.combalkanetako zinemaren webguneko kritika zinematografikoaren sariaren titularra da, baita FIPRESCIko kide eta Camira nazioarteko bulgariako elkartearen ordezkaria ere. Horrez gain, Sheffieldeko Nazioarteko Dokumental Zinemaldiako – SIDF hautaketa-batzordeko kide da.
Estibaliz Urresola
Ikus-entzunezko Komunikazioan lizentziaduna (Euskal Herriko Unibersitatea – UPV/EHU), Muntaiaren Edizio eta Teorian lizentziaduna (Nazioarteko Zinema eta Telebista Eskola – EICTV Cuba), Zinema Zuzendaritzan Masterra eta Film Business (Escola Superior de Cinema I Audiovisuals de Catalunya – ESCAC) masterra. 2011z geroztik, hainbat film labur idatzi, zuzendu eta ekoitzi ditu, hala nola Polvo somos (Sirimiri Films), zeinarekin, 2020an, ZINEBI – Bilboko Dokumentalen eta Film Laburren Nazioarteko Jaialdiaren Euskal Zinemaren Sari Nagusia irabazi baitzuen eta, 2021ean, bi Biznaga (publikoaren saria eta emakumezko aktore onena, Goize Blanco-rentzat) irabazi baitzituen Málagako Zinemaldian. Bere Cuerdas film laburra Cannesko Zinemaldiko Semaine de la Critiquen estreinatu zen, eta Estatuko eta nazioarteko hainbat jaialditan izan da. Film labur onenaren Forqué Saria jaso zuen, eta baita 2023ko Goya Sarietarako izendapena ere. Aurten ere, Urresolak 20.000 especies de abejas estreinatu zuen, fikziozko bere lehen film luzea, Berlingo Nazioarteko Zinemaldia – Berlinaleko Lehiaketarako Sail Ofizialean. Film horregatik, Sofía Oterok antzezle protagonista onenaren Zilarrezko Hartza irabazi zuen, eta filmari Publikoaren Saria eta Alemaniako Erakusketarien Saria ere eman zizkioten. Film Onenaren Urrezko Biznaga ere irabazi zuen Málagako Zinemaldian, eta debut onenaren eta zuzendaritza onenaren sariak irabazi zituen Guadalajarako Nazioarteko Zinemaldian – FICG Mexikon, eta San Frantziskoko Frameline jaialdian, AEBen.
Alberto Vázquez
Animazio zuzendaria, ilustratzailea eta marrazkilaria. Bere liburuak eta komikiak, besteak beste, Espainian, Frantzian, Italian, Brasilen eta Korean argitaratu dira, eta bere ilustrazioak mundu osoko aldizkarietan eta egunkarietan argitaratu dira. Bere komikietan oinarritutako Birdboy, Unicorn Blood, Decorado eta Homeless Home animazio film laburrak idatzi eta zuzendu ditu, eta bi film luze zuzendu ditu: Psiconautas (2017) eta Unicorn Wars (2022). Bere lanek lau bider irabazi dituzte Goya sariak (bi bider animazio film onenari eta bi bider animazio film labur onenari). Bere lanak mundu osoko zinemaldi prestigiotsuetan proiektatu dira, hala nola Cannesko Zinemaldia, Europako Zinemaren Sariak – EFA, Donostia Zinemaldia – SSIFF, Torontoko Nazioarteko Zinemaldia – TIFF, Annecyko Nazioarteko Animazio Zinemaldia, Clermont-Ferrandeko Film Laburreko Nazioarteko Zinemaldia, Zagrebeko Animazio Zinemaren Nazioarteko Zinemaldia edo ZINEBI jaialdietan.Sail Ofiziala
ZIFF – ZINEBI First Film Nazioarteko Lehiaketaren Epaimahaia
Diana Bustamante
Zinemagilea eta programatzailea da, eta zinema ikasi zuen Kolonbiako Unibertsitate Nazionalean. Produktore gisa, beren begirada eta ahotsen bidez ikuspegi berriak aztertzen dituzten egileei laguntzea du bereizgarri, hala nola Ciro Guerra, Óscar Ruiz Navia, Nicolás Pereda, Julio Hernández Cordón eta Apichatpong Weerasethakul-i. Nuestra película bere lehen film luze dokumentala da, zeinak Kolonbiako Zinemagintza Garatzeko Funtsaren eta Frantziako Akitania Eskualdeko Zinema Funtsaren laguntza jaso baitu.
Birgit Kohler
Berlingo Arsenal – Zinema eta Bideoarte Institutuko programazio burua da. Horrez gain, Berlinaleko Forumeko hautaketa batzordeko kide izan zen 2002tik 2019ra, eta 2019ko Forumeko programa nagusiaren arduraduna izan zen, jaialdiaren sail horretako zuzendaria zela. Kuratore gisa, zinema dokumental garaikidearen forma anitzetan jartzen du arreta, baita gaur egungo nazioarteko zinemaren ikuspegi artistiko ugarietan ere. Unibertsitate eta zinema eskoletako irakaslea eta Performing Documentaryko editorea ere bada (Berlin 2011). Bere azken argitalpena “Variations on the Documentary – Politics and Aesthetics in the Films of Anja Salomonowitz” da, honako honetan: A Story of Its Own: Women Film Austria since 1999, Isabella Reicher-en edizioan (Viena 2020).
