Ikus-entzunezko sektoreko eta arte eszenikoetako emakumeei zuzendutako elkartea.
Concha Barquero eta Alejandro Alvarado Málagako zinemagileek, Caja de resistencia (2024) bere dokumentala aurkezteaz gain, Fernando Ruiz Vergara andaluziar zinemagilearen film amaitu gabeei buruzko hitzaldi bat emango dute ZINEBI Networkingen. Hain oinarrizkoa den bere Rocío (1980) zentsuratu egin zuten, eta Auzitegi Gorenaren epai batek debekatu egin zuen Estatuan ematea. Istorio hura jada birsortu zuten ZINEBI Bilboko Dokumentalen eta Film Laburren Nazioarteko Jaialdian Espainiako Zinemaren Sari Nagusia jaso zuen Descartes (2021) filmean. Oraingoan, hitzaldi honetan, mintzagai izango dituzte Ruiz Vergararen erresistentzia keinuak, Pepe el andaluz (2012) filmaren atzean dauden zinemagileek beren buruari jarritako erronkaren aurrean: zentsurak murriztutako filmografia baten hondarrekin film bat egitea
Animazioa egiteko modua betiko aldatuko duen iraultza disruptibo bat al da adimen artifiziala? Mahai-inguru honetan, animazioan AA txertatzean sortzen diren erronka etiko, tekniko eta artistikoak jorratuko dira, teknologia horrek eskaintzen dituen aukerak arakatuz eta eskaintzen dituen tresnek sektorearen etorkizuna nola eralda dezaketen aztertuz.
