Muino batean eserita, Inaxiok emaztearen heriotza deitoratzen du bertso batekin. Bere biloba Ekaitz, aitonaren kantuak deitu izan balu bezala, baserrira itzultzen da aitona eta elikagaiak ematen dizkieten animaliak zaintzeko, horiek dituztela ere lagun. Biek, ingurua ikusteko begirada desberdinak eduki arren, bat egingo dute berriz ere eta elkarrekin egingo dizkiete aurre etorkizuneko zailtasunei.
Nereak eta Martinak, lagun bat galdu dute. Gertaera honen ondoren ez dute elkar komunikatzea lortu. Egun batean, Nereak hondartzara gonbidatzen du Martina.
Iristean, mina saiestezko, Nereak karta jokoa proposatzen dio bere lagunari. Jolasten ari dira, baina bakoitzaren jarrerak oso desberdinak dira. Nerea aktibo dago, egoerari buelta emateko gogoz, Martinak, aldiz, eta haserre dago, amorrua ematen dio Nereak egoeraz hitz egitea saihesten duela sentitzeak.
Pabellón Nº6 sortu zenetik hamar urte bete direnean, sortzaileek eta hari lotutako aktoreek, entseguetan, zerrategi zahar bat kultura erakartzeko gune bihurtzeak ekarri duenaz hitz egin dute.
Rita abesbatza batean dago, baina desegitear dago entseguetarako lokala mantentzea ahalbidetzen zien udalaren dirulaguntza galdu dutelako. Orain, taldeak erabaki egin behar du ea onartu egingo duten bailara gehien kutsatzen duen enpresaren babesletza.
Juanjo Navas kantaria, kale garbitzaile lanetan, Blas de Otero poetari eskainitako kaletik zebilen, XX. mendeko poeta handienetako bat eta frankismoaren aurkako borrokaren ikurra. Poetaren bertsoak deskubritu zituen halabeharrez, eta Blas de Otero Fundazioaren laguntzarekin, kantu flamenko bihurtzea erabaki zuen. Dokumental honek poesia eta flamenkoaren arteko topaketa hori jarraitzen du, Bilbo eszenatoki eta katalizatzaile den hiri batean.
Urtebete igaro da Ainhoaren aita hil zenetik. Ordutik, amarekin bizi da aitarekin bizi ziren baserrian. Inguru guztiak aita gogorarazten dioenez, Ainhoak bertatik alde egin nahiko du. Amak, ordea, alaba berarekin mantendu nahiko du. Baserriko behi baten heriotzaren aitzakia hartuta, Ainhoa hirira joatea ekiditen ahaleginduko da ama.
Ez nuen amona ezagutu, baina orain bere etxean bizi naiz. Pareta huts bat, atearen eskutokia, tantak darion txorrota. Bere objektuen memoria arakatzen dudan bitartean, nire amaren ahotsak iragan arrakaladun bat aipatzen du. Filmatu egiten dut. Oharkabean, gurea zen kontakizunak gure izateari utzi dio.
Sofiari Ama Birjina agertu zitzaion. Gero, Lurdako Andredena Mariaren santutegiara joan zen, eta gaitz sendaezin batetik sendatu zen. Beste garai batean eta beste leku batean, mediku-talde bat haren kasua aztertzeko bildu da. Zer gertatzen da zientziak eta erlijioak topo egiten dutenean?
Basoan pieza mekanikoak jasotzen dituen robot batek liluratu eta erakarri egiten duen ninfa bat aurkitu du. Izakira hurbildu eta haren antza izateko asmoz, elementu naturalekin mozorrotzen saiatuko da, beldar batek epaitzen dituen bitartean
Antzezle bat eta filmegile bat zinemarako gidoi bat entseatzen ari dira. Gidoiak María Dolores González Katarain “Yoyes” zenak 1980tik 1985era bitartean idatzi zuen egunkariaren zatiak jasotzen ditu. Egunkaria Mexikon erbesteratuta zegoenean idatzi zuen, jada ETAko buruzagitza eta erakunde armatua bera utziak zituenean.
Rachid Infernuko auzoan bizi da, zehazki Heriotza-Fabrika zahar batean, berak deitzen duen moduan. Inork ez du ziur zergatik deitzen dioten horrela; hipotesiak eta kondairak baino ez daude. Rachidek badaki zergatik.
Karen gaztea obsesionatuta dago uneko influencer ospetsuenarekin, Kamilah Kayrekin, eta bere antz handiagoa izateko ebakuntza bat egitea erabakitzen du. Karen berriak sareetan duen harrera ona ikusita, aurreztutako diru guztia ebakuntzatan gastatzen hasten da. Zenbat eta Kamilahren antz handiagoa eta bere buruaren antz txikiagoa izan, orduan eta hobea da bere bizitza, harik eta egun batean bere bizitza berri idilikoan zerbait izugarria gertatzen delako dena hankaz gora jartzen den arte.
Izaro eta Clara, 17 urteko neska nerabe bi, begirale lanetan ari dira haurrentzako udalekuetan. Egun berotsu batean, Clarak irrikaz musukatzen du laguna. Izaro, grinak itsututa, noraezean dabil gertatu zaiona kudeatu nahian, baina prest dago Clarari jarraitzeko, hark nahi duen eremura.
2022ko maiatzaren 7an Anoetako Belodromoan egindako kontzertura bidean Izarok bizitako erronken eta erronka hauekiko hausnarketen bilduma. Bost urte eskasean, kantautore hirueledun gaztea Euskal Herriko artistarik garrantzitsuenetarikoa bihurtu da. Muga fisiko eta mentalak gainditu ditu, bere lurraldeko agertoki guztiak lehertzera arte. Amaral, Zahara, Rozalén, Xoel López, Alex Ferreira eta Daymé Arocena bezalako artistekin kolaboratu du, eta Paris, Helsinki, Mexiko Hiria eta Buenos Aires bezalako hirietan jo. Dokumental honek Izaroren bidaia emozional pertsonala jasotzen du, pertsona/artista bizitza aldaketari buruzko hausnarketak, bake-itunak, lankidetza, eta zaintza eta samurtasunaren iraultza.
Mendeak gizonen begiradak jasaten. Orain, medusa hauek harri bihurtzen dute begiratzen dien oro.
Andrea ogibide berezia duen neska gazte bat da. Norbaitek gertakari paranormalak sumatzen ditu etxean eta bera da azalpen bat eman dezakeen bakarra. Baina Andreak gauza bera esaten dio bisita bakoitzean: Ez dago mamurik, inoiz gure artean egon zen norbaiten oihartzunak dira.
Berriz hasiko den baso bat. Inoiz ikusi ez duen paisaia oroitzen ari den herri bat. Eskuekin eta atxurrekin, lur idorrari eraginez, gainazalera atera nahi ditu noizbait Ullan hazitako zuhaitzak. Hemen etengabe jaiotzen ari da erreka, orain ere bai eta jada ahaztu duen hizkuntza batean mintzo da. Basoa izatera heltzean nork biziko ote du? Nola askatu daiteke lursail bat? Norbaitek izendatuko ote du? Non du hasiera herri batek?
Ekaineko gau bero bat da. Maia eta Txemak ostiral arrats lasai bat pasatuko dutela pentsatzen dute. Alabaina, bere pisutik, bikoteak gatazka bat entzuten du kanpoan. Maia karrikan emazte batentzat zerbait larria gertatzen ari dela sentitzen du eta Txemaren konbentzitzea saiatzen da bere bikotea zalantzan eman arte.
Bizitza errealeko esperientzietan oinarrituta, Iratxe Fresnedak bidaia pertsonal batean eramango gaitu Tetuan filmean. Iraganak eta orainak bat egiten dute ikus-entzunezko esperientzia hunkigarri eta sentsorial batean. Danubio ibaiaren ertz lasaietatik hasi, Euskal Herria zeharkatu eta Saharako basamorturaino jarraitzen ditu dokumentalak lau protagonisten istorioak.
