ZINEBI Networking bidean diren filmei laguntzeko eta horiek haziarazteko pentsatutako gune bat da. Zuzendariak eta zinemaren arloko profesionalak elkartzen dira bertan, elkarrekin pentsatzeko, begiradak partekatzeko eta oso une berezi bat elikatzeko: film bat oraindik azaleratzen ari den unea.
Fikziozkoa ez den zinemari arreta berezia eskainiz, topaketak hainbat jarduera proposatzen ditu, non analisia, solasaldiak eta elkarri entzutea konbinatzen diren. Kontua ez da dagoeneko eginda dagoena erakustea soilik, baizik eta prozesua irekitzea, beste ahots batzuei sartzen uztea eta trukeari eralda gaitzan uztea.
ZINEBI Networking ez da lehiaketa fase bat, aitzitik, elkarrizketarako eta hazkunderako espazio bat proposatzen du, non baliotsuena film bakoitzak beste batzuekin batera, komunitatean, egin dezakeen ibilbidea den.
Esparru horren baitan egiten da Zinebi Networking VIII. Foro Profesionala. Bertan, garatzen ari diren filmak aurkezten dira, zeinak bere lehen sortze-etapatan dauden eta aurrera egiteko bultzada bat bilatzen duten; horrez gain, badira ere estreinatu aurreko azken urratsak ematen ari diren eta azken bultzada hori behar duten filmak. Foroa amaitu ondoren, hiru laguntza ekonomiko emango dira film bihurtzeko irrikan dauden ideia horiek jorratzen jarraitzeko, Eusko Jaurlaritzaren, RTVEren eta EITBren babesarekin.
Ongi etorri aurtengo ediziora. Beste behin ere, iritsiko den zinemarentzat gune emankorra izatea espero dugu.
Sariak
| ZINEBI Networking EITB 2025 Saria | 10.000 € |
| ZINEBI Networking 2025 Saria | 10.000 € |
| ZINEBI Networking RTVE 2025 Saria | 10.000 € |
Who is Who
Maui Alena
Proiektuen koordinatzailea eta komisarioa
Kartsua, dibulgatzailea, programatzailea eta zinema ikertzailea, Elías Querejeta Zine Eskolak (Espainia) Proiektu Zinematografikoen eta Ikus-entzunezkoen Komisariotzan eta Garapenean espezialista gisa jaso zuen, eta Ikerketa Zinematografikoko Zentroan (Argentina) zinema eta telebistako errealizadore integral gisa trebatu zen. 2007tik gaur egunera arte, programatzaile gisa jardun du, laborategien koordinatzaile eta tutore gisa, besteak beste, BAFICIn, Mar del Platako Jaialdian, Margen Madriden, Doc Lisboan, Bilboko ZINEBIn, Recoleta Kultur Etxean eta Buenos Airesko Arte Joven bienalean.
Noemi Cuetos
Komisarioa eta komunikatzailea
Kazetaritzan eta Ikus-entzunezko Komunikazioan lizentziaduna da, Kultur Komunikazioko espezializazio diploma ikasi du, baita Zinema Komisariotza graduondokoa ere, Elías Querejeta Zine Eskolan. Zazpi urtez, Comunicación de Documental Ambulante A.C-ren koordinatzailea izan zen, zeina genero dokumentala bultzatzen duen Mexikoko erakunde bat baita. Halaber, kolaboratzaile izan da Vitrine Filmesn-en, Doxa Producciones-en, Tabakalera-Donostian, ICAAko Marketin sailean, Donostiako Giza Eskubideen Zinemaldian eta Crew Uniteden. Gaur egun, Zinema Sektoreko burua da ICEX España Exportación e Inversiones erakundean.
Jorge Tur
Zinemagilea, proiektuen zuzendaritza eta gidoigintza tutorea
Irakaslea eta Sormenezko Dokumentalen Masterraren koordinatzailea UABn, 10 urtetik gorako eskarmentua du zinemagile gisa, baita proiektuen zuzendaritza- eta gidoigintza-tutore gisa ere. Besteak beste, Bafici, Doclisboa, Visions Du Réel, Zinebi, Punto de Vista, Vila do Conde eta Dei Popoli jaialdietan parte hartu du bere filmekin eta dirulaguntzen hainbat batzordetan parte hartu du. Bere lanak New Yorkeko The Lincoln Center-eko “Azken barrea” bezalako erakusketetan ikusi ahal izan dira. Programatzailea izan da Xcèntric-CCCBrentzat. Territorios y Fronteras II (Lurraldeak eta Mugak II) liburuaren egilekidea da eta Caimán aldizkarian kolaboratu du.
Aida Vallejo
Euskal Herriko Uinubersitateko (UPV/EHU) irakaslea
Zinema irakaslea da Euskal Herriko Unibertsitatean (UPV/EHU), eta espezialista sorkuntza-dokumentalean eta zinematografia-jaialdietan. Documentary Film Festivals (1 eta 2 lib.) eta Film Festivals and Anthropology liburuen koeditorea da, eta Euskal Herriko jaialdiei buruzko IkerFESTS ikerketa-proiektuaren zuzendaritzan jardun du. Dokumentalak hautatzeko batzordeetako kide izan da (Zinemaldiko Lau Haizetara foroan eta Bizkaiko Foru Aldundiarentzat), baita nazioarteko hainbat jaialditako epaimahaikide ere. Europako Zinemaren Akademiaren unibertsitate-sarien Espainiako koordinatzailea da.
