Hainbat hamarkadatan zehar, Txekiako zinema bizidunak oso leku berezia lortu du zazpigarren artearen historian. Haren sortzaileek unibertso berezi eta liluragarri bat eraiki dute, non, besteak beste, stop motion edo animazio tradizionalaren teknikak irudimenarekin, umorearekin, poesia bisualarekin eta errealitatearekiko begirada kritiko eta eraldatzaile batekin nahastu diren. Txekiako film labur eta luzeek belaunaldi ugari inspiratu dituzte, eta mundu osoan bizirik jarraitzen duten sormen-bideak ireki dituzte, betiere animazioaren mundu mailako abangoardian egonda eta asmamenez eta epeltasunez betetako pertsonaiak baliatuta.
Txikienei gerturatu nahi diegu tradizio zoragarri hori, eta animazioa entretenimendua ez ezik, sormena eta deskubrimendua ere badela irakatsi nahi diegu. Esperientziak haurrengan zinema arakatzen jarraitzeko jakin-mina piztuko duela uste dugu, jolasari, arteari eta ezagutzari irekitako leiho bat den heinean.
Joseba Lopezortega ZINEBIko zuzendaria
Itsasoa, eguzkia, hondartzak eta oporrak familiarekin. Hautatu katalogoan amestutako zure jomuga, egin maletak eta aurrera! Baina, eta hotela ez bada espero bezain zoragarria, zure logelak ikuspegi nahiko kaskarra badu, afaria harrigarriki exotikoa bada eta zure maletek bere kasa bidaiatzen badute? Familia da garrantzitsuena!
Itsasoa, eguzkia, hondartzak eta oporrak familiarekin. Hautatu katalogoan amestutako zure jomuga, egin maletak eta aurrera! Baina, eta hotela ez bada espero bezain zoragarria, zure logelak ikuspegi nahiko kaskarra badu, afaria harrigarriki exotikoa bada eta zure maletek bere kasa bidaiatzen badute? Familia da garrantzitsuena!
Lehen begiratuan, Kameleoik eta Kiwik bikote bitxia osatzen dute: lehenengoak atentzioa ematen du bere kolore aldakorrekin, Kiwi burusoilak, aldiz, ihes egiten dio arretari eta beti dago beldurrak jota. Baina hurbiltzen ari den ekaitz batek teilatua birrintzen duenean, ez dago desberdintasunentzako lekurik: elkarri lagundu behar diote itsasertzean zain dagoen ontzira iristeko! Ez da zeregin erraza, ordea! Arka hautatutako bikoteentzat soilik da eta, Kameleoi, bere mingain handiarekin, eta Kiwi begiokerra ez daude hautatuen artean. Azkenean, ontzian sartzea lortzen dute, baina arazoak hasi baino ez dira egin: Kiwi eta Kameleoi nahi gabeko eta ustekabeko zama bihurtzen dira, eta ontziko ordena hausten dute. Arka jada itsasoratu da eta lurra azkar gelditzen ari da urpean…
Lehen begiratuan, Kameleoik eta Kiwik bikote bitxia osatzen dute: lehenengoak atentzioa ematen du bere kolore aldakorrekin, Kiwi burusoilak, aldiz, ihes egiten dio arretari eta beti dago beldurrak jota. Baina hurbiltzen ari den ekaitz batek teilatua birrintzen duenean, ez dago desberdintasunentzako lekurik: elkarri lagundu behar diote itsasertzean zain dagoen ontzira iristeko! Ez da zeregin erraza, ordea! Arka hautatutako bikoteentzat soilik da eta, Kameleoi, bere mingain handiarekin, eta Kiwi begiokerra ez daude hautatuen artean. Azkenean, ontzian sartzea lortzen dute, baina arazoak hasi baino ez dira egin: Kiwi eta Kameleoi nahi gabeko eta ustekabeko zama bihurtzen dira, eta ontziko ordena hausten dute. Arka jada itsasoratu da eta lurra azkar gelditzen ari da urpean…
The Kitek heriotzaren gaia modu metaforiko eta sinbolikoan jorratzen du. Mutiko baten eta aitonaren arteko harremanaren bidez, filmak erakusten digu inor ez dagoela hemen betiko eta izaki bizidun guztiek hil behar dutela, baina, aldi berean, gogorarazten digu heriotzak ez duela zertan gure bidaiaren amaiera izan.
The Kitek heriotzaren gaia modu metaforiko eta sinbolikoan jorratzen du. Mutiko baten eta aitonaren arteko harremanaren bidez, filmak erakusten digu inor ez dagoela hemen betiko eta izaki bizidun guztiek hil behar dutela, baina, aldi berean, gogorarazten digu heriotzak ez duela zertan gure bidaiaren amaiera izan.
Animaziozko film laburrak elurtutako hiri batean urpeko abenturekin amets egiten duen haur baten istorioa kontatzen du, Jacques Cousteauri egindako omenaldi batean.
Animaziozko film laburrak elurtutako hiri batean urpeko abenturekin amets egiten duen haur baten istorioa kontatzen du, Jacques Cousteauri egindako omenaldi batean.
