EIDErekin elkarlanean.
Zinemaren eta diseinu grafikoaren munduaren artean beti egon den loturari buruzko solasaldia. Aukera bikaina izango da, gainera, azken mende laurdenean ZINEBIren edizio bakoitzarekin aurkeztu eta egin diren kartelen atzera begirako bat partekatzeko.
Arga ibaian gorpu bat agertu da. Inork ez du faltan bota, ez bere desagerpena salatu. Ana Miravalles detektibearentzat ohiko beste lanegun bat izango dela badirudi ere, lehenengoz biziko ditu bere herrian lan egitearen desabantailak. Izan ere, susmoa du bere alaba Eukenek zerbait jakin dezakeela. Momentu horretatik aurrera Anak erabaki bat hartu beharko du.
Animazioa egiteko modua betiko aldatuko duen iraultza disruptibo bat al da adimen artifiziala? Mahai-inguru honetan, animazioan AA txertatzean sortzen diren erronka etiko, tekniko eta artistikoak jorratuko dira, teknologia horrek eskaintzen dituen aukerak arakatuz eta eskaintzen dituen tresnek sektorearen etorkizuna nola eralda dezaketen aztertuz.
Gerra Hotzaren antzokian, beldur sakonenek Dariénen galdu diren astronautak harrapatzen dituzte indigena batekin topo egiten dutenean. Burua moztuko zietela edo kanibal basati batek jango zituela uste al zuten? Filmetako artxiboen eta biziraupen tropikaleko entrenamendu-propagandaren deseraikuntza batek espazioaren konkistaren baitan dagoen narratiba kolonialari aurre egiten dio.
Zerbitzu publikoa, bere proiektuak bultzatzeko eszenario gisa Bilbo-Bizkaiaren aldeko apustua egiten duten ikus-entzunezko produkzio guztien lana erraztu eta arintzeko bokazioa duena.
Itsaso Baltikoko bordershop-edukiontzi flotatzaile bateko gerenteak itsasertzera lotzen duten kateak askatzen ditu, berak eta bere langileek barruan sortu duten maitasun-unibertsoa salbatzeko.
1967an, diktadura frankista betean, askatasun egarri ziren seminarista batzuek Enarak taldea sortu zuten. Garaiko jendartean oraindik arrotzak ziren pop, rock eta psikodelia estiloak jotzen zituzten, euskara hutsean. Ehundaka kontzertu eman ondoren, 1971an misteriotsuki desagertu ziren, betirako. 50 urte ondoren, abeslariaren semea, Beñat, taldearen aztarnen bila abiatuko da, ornitologia, collage-a eta bilaketa eszentriko bat nahasten dituen labirinto filmiko batean murgilduz.
