Ikus-entzunezko sektoreko eta arte eszenikoetako emakumeei zuzendutako elkartea.
Hainbat zinema-jaialditako emakumezko programatzaile bertan direla, jaialdien funtzionamenduaz hitz egingo dute, filmak programazioaren parte izatera iristeko moduarekin, funtzionamenduarekin eta horietako bakoitzarekin lotutako erronkei buruzko mitoak hausteko.
Enpresen, erakunde publikoen eta unibertsitateen artean partekatutako proiektuen diseinuari eta inplementazioari buruzko elkarrizketa.
Pablo Berger zuzendariaren Robot Dreams filmean eta Sara Varonen eleberri grafikoan arte zuzendari gisa José Luis Ágredak izandako esperientzia eta erronkei buruzko hitzaldia.
Lorearen erreferenteak bere ama eta amona dira. Bi belaunaldi hauetan emakumeek amatasunaren inguruan bizi izan duten lotura behatzen du. Orain berari dagokio ama izan ala ez erabakitzea eta dauden galderei erantzunak bilatzea.
Mateo Txistu ipuin herrikoiaren prekuela: Euskal Herria, XIX. mende amaiera. Herrixka txiki batean, Mateo erretorea desagertu egin da arrastorik utzi gabe. Bertakoen amen-omenen aurrean, Artzapezpikutzak bi apaiz bidaltzen ditu gertakarien egia iker dezaten.
Oroimenaren hauskortasunaz eta hura babesteko gizakiak sortzen dituen lekuei buruzko film laburra da hori. Pertsonak desagertu egiten dira, bizi izan zireneko eraikinak bezala, lan egin eta zoriontsu izan zireneko tokiak bezala. Aurpegi eta bizitza horiek, noizbait idatzizko oroimenaren parte izandakoak, desagertuko den oroimenarekin batera galduko dira, betiko ezer ez delako.Urak ekartzen duena, urak eramaten du.
Spark, zortzi urteko mutikoa, lasai-lasai doa apokalipsiaren erdian eroritako kale batetik, distira batek proiektore zahar batekin topo egitea eragiten duenean. Bere aurkikuntzari esker, Spark, lehen aldiz, mugimenduan dagoen irudi bat ikusiko du.
Bilboko Arte Ederren Museoko margolan batzuen xehetasun periferiko edo ezkutuetatik abiatuta, emakume narratzaile batek margolan horiei lotutako historiak iraganeko zein egungo artisten baldintza sozial, ekonomiko eta psikologikoekin erlazionatzen ditu.
Kana, gazteen desioetatik bidaiatzen duen izaki xamur batek, arazo bat duen lagun bati laguntzen dio bere subkontzientean sakonduz, non ezer ez den itxura duen bezala.
9 urte espazio sakonean ibili eta gero, Kepler teleskopioa errigai gabe geratu da. Haley, 12 urteko neskatxoa berria entzun ondoren, zelaira joaten da Keplerri agur esatera.
Saitua Iribar familia gabon gaua ospatzeko elkartzen da. Elizabete, bertan daudenen ama eta amonak, ez du gogoratzen non dagoen, eta lotara joan nahi du afaldu baino lehen.
Rita eta Berta lapurrak dira. Auto gorri zahar bat bidelagun izanik, inguruko bazterrak nahasten dituzte beraien egunerokotasunean aurkitzen ez duten adrenalina bilatzeko asmoz. Zoritxarrez gorakada guztiek beherakada bat ere badute. Bertak aldaketa bat behar du eta erabaki bat hartu du.
Billie zazpi urteko neskato bat da eta zauritutako gizon bat etxera eraman du gauaren erdian. Goizean, gizona ezin da mugitu. Bera ziur dago barruan zerbait trabatuta duela, eta irteteko beharra duela.
Hozten hasi da. Hustu dira etxeak. Haizeak astintzen ditu bazterrak. Hitzordua basoan da. Beti da han.
Margarita Durasek salba al gaitzake eromenetik? Emakume eroa izan al daiteke arimaz mutua den hura? Casting analogiko baten bidez, filmak hogeigarren eta hogeitahamargarren hamarkadetako film mutuetako eromenaren irudikapenak arakatzen ditu.
Bi anaia berriro elkartzen dira eta xake partida erabakigarri batean lehian aritzera behartuta daude.
Mikelek bere aitaren enpresan lan egiten du. Konpainiak saltzea eta plantillaren erdia kaleratzea erabakitzen duenean, Mikel lankideen alde agertzen da. Bere asmoak onak diren arren, langileek sabotaje plana ezkutatzen diote.
Mario zientzialaria da, eta esperimentuak egiten ditu elikagaien ikerketako zentro aurreratu batean, Karla lankidearekin batera. Langileentzako ingurumen-politika berriak jasanezinak bihurtzen direnean, Juanarenera (bere nagusia) joango da.
Film labur hau pertsona bakoitzak dituen plazer berezi eta sinple horiei balioa ematen saiatzen da, hein handi batean partekatuak baitira. Oharkabean pasatzen diren egoera eta ekintzak dira, beste inori egunean zehar egindako probetxuzko gauzen berri emateko zerrendan jartzen ez ditugunak. Beren baitan agortzen diren gauzak dira, haiei buruz eta atsegingarriak izatearen zergatiari buruz hausnartzean argudio handietara eramaten ez gaituztenak; baina, hala ere, jakinduriaren bat ezkutatzen dutela dirudite, beren egikaritze hutsean soilik agertzen den alderdi sakon bat.
Gerra Hotzaren antzokian, beldur sakonenek Dariénen galdu diren astronautak harrapatzen dituzte indigena batekin topo egiten dutenean. Burua moztuko zietela edo kanibal basati batek jango zituela uste al zuten? Filmetako artxiboen eta biziraupen tropikaleko entrenamendu-propagandaren deseraikuntza batek espazioaren konkistaren baitan dagoen narratiba kolonialari aurre egiten dio.
Juan Carlos Pérez gogoeta sakon batean murgilduko da argitaratu gabeko zinta bilduma baten aurkikuntzaren ondorioz. Alde batera utzi nahi izan ditu taldeak momenturik gorenean pop estilora eman zuen aldaketa, eta ostean desegin izana. Itoiz musika taldearen lider izandakoak bidaia katartiko bat hasiko du, iraganarekin adiskidetzeko balioko diona; taldeak 70.hamarkada hasieran Rock progresiboan murgilduta igarotako urteak bergogoratuko ditu bertan.
Bere heriotzaren ondoren, Fernando Ruiz Vergarak inoiz egin ezin izan zituen dozenaka filmeren zirriborroak utzi zituen. Zinemagile andaluziarrak dokumental bakarra zuzendu zuen, Rocío, bihotz-erdiragarria eta liluragarria, Espainiako demokraziaren lehen urteetan zentsura judiziala jasan ondoren madarikatua izan zena. Harrezkero, bere proiektuak irudimenean eta desiran ezkutatuta gorde zituen. Lan honetan, amestutako proiektu horiekin asmatzen aritu gara, orainalditik zinemara eramateko, erresistentzia-keinu gisa.
Marta eskola-jazarpena jasaten duen hamabi urteko neska bat da. Badirudi bere urtebetetzea ospatzera doala, harik eta oso berezia den norbait agertzen den arte, lur jota gera ez dadin: amabitxi maitagarria. Amabitxi maitagarriaren estrategiari jarraituz, Martak bere etorkizuneko bertsioak ezagutuko ditu, bere egungo kezkak konponduko direla ikus dezan. Baina Martetako bakoitzak etorkizuneko bere kezkak ditu. Amabitxi maitagarriak bere asmamena erabili beharko du neskatxaren urtebetetzea animatzeko, denek, elkarrekin, beti itxaropena izateak duen garrantzia uler dezaten.
Matixa, 22 urteko gaztea gurasoen etxean bizi da. Logela eta egonkortasuna hankaz gora jarrita, egoera lehertu egiten zaio. Familiatik kanpo bilatzen du babesa, lagun duen Leirek lagunduta. Amarengandik askatzeak libreago egingo duela erabakita, etxetik alde joaten da.
Leku eta une egokia aukeratu ezkero, marmitakoz betetako poltsa bihurtu daiteke mehatxu terrorista.
Uda guztietan bezala, tomatearen eguna iritsi da. Nella eta bere familia Italiako udako etxean elkartu dira familiaren tradizioa ospatzeko.
Anek eta Andreak sexua eta egarri handia dute, eta kanpoan bizitzak aurrera jarraitzen badu ere, jarraitu nahi dute, ez dute orain gelditu nahi, azkenean elkarrekin baitaude. Elkar musukatu eta larrutan egiten dute energiarik gabe geratu arte, kanpoko zainketak salbatzera etortzen zaizkien arte.
Elkarren artean gerran dauden estatubatuarren kronika etenezin, zeinak aurrekaririk gabeko ikuspegi bat ematen baitigu, ondorio izugarriekin, helburu eta botere bila dabiltzan ekintzaile eskuindarrei buruz.
Mikel ezkonduta dago, farmazialaria da Euskal Herriko kostaldeko herri txiki batean eta ezkerreko militantea da. Homosexuala izateak bere bizitza nola baldintzatzen duen ikusiko du. Denbora beharko du hori onartzeko eta, nolabait, amaiera tragiko batera eramango du ezinbestean.
Farah, irandar emakume bat, bere planeta pribatura emigratzera behartuta dago aske izateko. Beste pertsona batzuen oroitzapenak erosten ditu Super 8 eta 8mm-ko filmetan, eta bereak filmatu eta atxibatzen ditu, Irani buruzko istorio alternatibo bat sortzeko.
